Rasman: Karlush Keyrush — Kolumbiya terma jamoasi bosh murabbiyi

Eron terma jamoasi sobiq bosh murabbiyi Karlush Keyrush Kolumbiya terma jamoasini boshqaradi. Bu haqda Kolumbiya futbol federatsiyasining rasmiy saytida xabar berildi.

Portugaliyalik mutaxassis 2011-yildan 2019-yilga qadar Eron terma jamoasini boshqardi.

Eslatib o‘tamiz, Osiyo Kubogining yarim finalida Yaponiya termasidan qabul qilingan mag‘lubiyatdan so‘ng (3:0) u egallab turgan lavozimidan ketdi.

Avvalroq Kolumbiya terma jamoasi Xose Pekerman bilan shartnoma uzaytirilmasligi haqida xabar berilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!