Toshkentga kelgan xorazmlik haydovchining o‘rindig‘i ostidan 10 ming dollar yo‘qoldi. O‘g‘irlikda uning yo‘lovchisi gumon qilinmoqda

5-fevral kuni Chilonzor tuman IIBga katta summadagi o‘g‘irlik holati yuzasidan xabar kelib tushdi. Bu haqda IIBB matbuot xizmati ma’lum qildi.

Xorazmlik 34 yashar Nexia haydovchisi O‘tkirbek M.ga ko‘ra, viloyatdan Toshkentga kelgan chog‘ida o‘rindig‘i ostiga o‘zi yashirib qo‘ygan 10 ming AQSh dollari yo‘qolganini payqagan.

Tezkor-tergov tadbirlari chog‘ida mazkur jinoyatni sodir etishda gumon qilinib, jabrdiyda bilan birga kelgan yo‘lovchi — xorazmlik 37 yoshli Murodbek S. qo‘lga olindi. Unga nisbatan JKning 169-moddasi 3-qismi (“O‘g‘irlik”) bilan jinoyat ishi qo‘zg‘atildi.