Karmanada 3 yoshli o‘g‘lini 8 mln so‘m va 100 dollarga sotishga uringan ayol ushlandi

3-fevral kuni Navoiy viloyatining Karmana tumanida o‘tkazilgan tezkor tadbir natijasida Xatirchi tumani Chechak ota mahallasida yashovchi Z.S. qo‘lga olindi. Bu haqda IIV jamoatchilik va OAV bilan aloqalar boshqarmasi xabar berdi.

Ayol 3 yoshli o‘g‘lini ikki nafar shaxsga, Talqoq MFY hududida 8 000 000 so‘m va 100 AQSH dollari evaziga sotayotgan vaqtida qo‘lga olindi.

Holat yuzasidan jinoyat ishi qo‘zg‘atilib, tergov harakatlari olib borilmoqda.