Xorazmda tanishining chaqalog‘ini 1,7 mln so‘mga sotayotgan hamshira qo‘lga olindi

2019-yil 6-fevral kuni Xorazm viloyatining Urganch shahrida ichki ishlar organlari xodimlari tomonidan o‘tkazilgan tezkor tadbirlar natijasida Urganch tumani Bekobod qishlog‘i Qo‘ng‘irot mahallasida yashovchi, Xorazm viloyati perinatal markazi hamshirasi N.Yu. (ismli ayol) Yangi Urganch ko‘chasida, tanishi Sh.V. (ismli ayol)ning shu yil 21-yanvarda tug‘ilgan o‘g‘lini L.B. (ismli ayol)ga 1 700 000 so‘mga sotayotgan vaqtida qo‘lga olindi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Holat yuzasidan jinoyat ishi qo‘zg‘atilib, tergov harakatlari olib borilmoqda.