Global ekologik falokat bo‘lishi bashorat qilindi

Avstraliyalik olimlar Yerni ekologik falokat kutmoqda, degan xulosaga keldi. Bu haqda “Korrespondent.net” xabar qildi.

Mutaxassislar dunyodagi 70 ta ma’lumotlar bazasini o‘rganib, har yili 2,5 foiz hasharotlar kamayib ketayotganini aniqlagan.

Hasharotlar o‘limining asosiy sababi — urbanizatsiya va qishloq xo‘jaligida zaharli pestitsidlardan foydalanish deb hisoblanmoqda.

Natijada barcha turdagi hasharotlarning 50 foizi nobud bo‘lmoqda.

Hasharotlar o‘simliklarni changlatishda muhim ahamiyatga ega. Ularning qirilib ketishi ekotizimning falokatiga sabab bo‘ladi.

Yevropada 30 yil davomida hasharotlar populyatsiyasining 80 foizga qisqarishi tufayli qushlar soni 400 millionga kamaygan.