Toshkentda Qibraydagi elektr stansiyasida ro‘y bergan yong‘in tufayli suv bosimi pasayishi va uzilishlar kuzatilishi mumkin

Joriy yilning 22-fevral kuni Toshkent viloyatining Qibray tumanida joylashgan viloyat elektr tarmoqlariga qarashli elektr stansiyasida yong‘in sodir bo‘lganligi sababli suv uzatish qurilmalari (nasos) ishi to‘xtagan. Bu haqda Toshkent shahar hokimligi matbuot xizmati ma’lum qildi.

Shu bois Toshkent shahri tumanlarida suv bosimining pasayishi va ayrim tumanlarda uzilishlar sodir bo‘lishi mumkin.

Hozirda yong‘in bartaraf etilib, ta’mirlash ishlari olib borilmoqda.

Yuzaga kelgan noqulayliklar uchun shahar hokimligi uzr so‘ragan.