Milliarder Ilon Mask 61 mln dollarlik ipoteka oldi

Tesla va SpaceX kompaniyalari asoschisi Ilon Mask 61 million dollarlik ipoteka oldi, deb xabar berdi “RIA Novosti”.

Ma’lum bo‘lishicha, milliarder o‘tgan yil ohirida to‘rtta ko‘chmas mulk obyektini sotib olish uchun Morgan Stanley bankidan ipoteka olgan. Shuningdek, 2012-yili olgan ipoteka kreditini qayta moliyalashtirgan.

Qayd etilishicha, Ilon Mask 30 yil davomida oyiga 180 ming dollardan to‘lab boradi.

Biznesmenning o‘zi bunga hech qanday tushuntirish bermagan, bank esa izoh berishdan bosh tortgan.