AQSh Nikolas Maduro hukumatiga qarshi yangi sanksiyalar joriy etadi

AQSh Venesuela prezidenti Nikolas Maduro hukumatiga qarshi yangi sanksiyalar joriy etadi, deya xabar beradi “Exo Moskvi”.

“Biz ular o‘g‘irlangan har bir dollarni topamiz va bu pullarni Venesuela xalqiga qaytarib beramiz”, — dedi vitse-prezident Mayk Pens.

Kolumbiya poytaxtida o‘tkazilgan uchrashuvda u mintaqadagi mamlakatlarni Venesuela davlat neft kompaniyasining hisoblarini muzlatishga va mamlakat aktivlarini qator mamlakatlar Venesuela prezidenti sifatida tan olgan muxolifat yetakchisi Xuan Guaydo nazoratiga o‘tkazishga chaqirgan.