Olmaliq kon-metallurgiya kombinatiga qarashli kondan 814 kg ruda toshlarini o‘g‘irlagan shaxslar ushlandi

Olmaliq kon-metallurgiya kombinatiga qarashli vaqtincha ish faoliyati to‘xtatilgan qo‘rg‘oshin konidan ruda toshlari o‘g‘irlab ketildi. Bu haqda IIV jamoatchilik va OAV bilan aloqalar boshqarmasi xabar berdi.

Shu yil 6-fevral kuni Angren shahrida yashovchi A.Yu. va M.A. ushbu konga kirib, tarkibida qimmatbaho metall bo‘lgan, og‘irligi 813 kilogrammdan oshiq ruda toshlarini 28 dona qopga solib, non pishirish sexiga yashirib qo‘ygan.

Holat yuzasidan jinoyat ishi qo‘zg‘atilib, o‘g‘irlik sodir etgan shaxslar qo‘lga olingan.

Hozirda tergov harakatlari olib borilmoqda.