Buxoroda viloyat tarixi muzeyi quriladi. Buning uchun 68 mlrd so‘m sarflanadi

O‘zbekiston Prezidenti Shavkat Mirziyoyev Buxoro viloyatiga tashrifi davomida Buxoro tarixi davlat muzeyi loyihasini ko‘zdan kechirdi. Bu haqda O‘zA xabar bermoqda.

1,2 gektar maydonni o‘z ichiga oluvchi ushbu muzey qurilishiga budjet mablag‘lari hisobidan 68,3 milliard so‘m sarflanishi mo‘ljallanmoqda.

Muzey qurilib, ishga tushirilsa, “Ark” qo‘rg‘onida saqlanayotgan noyob eksponatlar u yerga ko‘chiriladi. 60 dan ortiq ish o‘rni yaratiladi.

Muzeyni jahon standartlariga mos jihozlash, zamonaviy texnologiyalar o‘rnatish, bu yerga keluvchilarning xavfsizligini ta’minlash bo‘yicha zarur ko‘rsatmalar berildi.

Mavzuga doir:
— Shavkat Mirziyoyev: Turizm — iqtisodiyotimizning muhim tarmog‘i
— Buxoroning qadimiy obidalarini qamrab olgan kichik halqa yo‘li bunyod etiladi

“Daryo”ning Telegram’dagi rasmiy kanali — @toshqindaryo’ga a’zo bo‘ling!