Kayli Jenner dunyodagi eng yosh milliarder deb topildi

Amerikaning Forbes jurnali hisobiga ko‘ra, realiti-shou yulduzi Kayli Jenner dunyodagi eng yosh milliarder deb topildi. Bu haqda “Korrespondent.net” xabar berdi.

U o‘zining shaxsiy kosmetik brendiga asos solgan.

“Buni kutmagan edim. Kelajakni oldindan ko‘rib bo‘lmaydi-ku. Lekin juda xursand bo‘ldim. Bu juda katta yutuq”, — deydi 21 yoshli biznes-vumen.

Kayli biznesini boshlagan payti unga ko‘plab muxlislarni taqdim etgan ijtimoiy tarmoqlardan minnatdor ekanini aytgan.

Qiz 2016-yilda Kylie Cosmetics kosmetik brendiga asos solgan. Hozirda uning daromadi milliard dollardan oshgan. Mark Sukerberg esa 23 yoshida millard dollarga ega bo‘lgan edi.