Hindistonda insoniyat tarixidagi eng keng ko‘lamli saylovlar bo‘lib o‘tadi: ularda 900 million kishi ishtirok etadi

Hindistonda parlament saylovlari o‘tkazilishi haqida rasman e’lon qilindi. Bu haqda “Korrespondent.net” xabar bermoqda.

Ushbu saylovlar insoniyat tarixidagi eng keng ko‘lamlisi bo‘lishi aytilmoqda: ularda 900 million kishi ishtirok etadi.

Mamlakat saylov komissiyasiga ko‘ra, Hindistondagi yalpi saylovlar aprel—may oylarida yetti bosqichda o‘tkaziladi.

Parlament quyi palatasi —Lok-Sabhada 543 ta deputatlik o‘rni bor. Partiya yoki koalitsiyaga hukumatni shakllantirish uchun 272 ta mandatni qo‘lga kiritish talab qilinadi.