Nigeriyada maktab binosi quladi, yuzdan ortiq odam vayronalar tagida qolib ketdi

Nigeriyaning Lagos shtatida joylashgan uch qavatli maktab binosi qulab tushdi. Uning tagida yuzdan ortiq odamlar qolib ketdi. Bu haqda “RIA Novosti” xabar berdi.

Xabarda aytilishicha, bir necha o‘quvchi mahalliy kasalxonaga olib kelingan.

Hozirda halok bo‘lganlar qayd etilmagan.

Lagos shtati rasmiylari qutqaruv operatsiyasi boshlangani haqida xabar berdi.

“Lagos shtati qutqaruv xizmati Lafiaji tumanidagi qulagan binoda qutqaruv operatsiyasini olib bormoqda”, — deydi shtat hokimligi.