Mudofaa vazirligining Shimoli-g‘arbiy harbiy okrugi qo‘shinlari qo‘mondoni o‘zgardi

O‘zbekiston Mudofaa vazirligida yangi tayinlov amalga oshirildi, deb xabar berdi vazirlik matbuot xizmati.

O‘zbekiston Prezidentining tegishli farmoyishiga ko‘ra, Shimoli-g‘arbiy harbiy okrugi qo‘shinlari qo‘mondoni lavozimida xizmat qilib kelayotgan polkovnik Farhod Nabijonovich Ortiqov lavozimidan ozod etilib, Chirchiq oliy tank qo‘mondonlik-muhandislik bilim yurti boshlig‘i lavozimiga tayinlandi.

Uning o‘rniga okrug qo‘shinlari qo‘mondoni etib Sharqiy harbiy okrugiga qarashli G‘urumsaroy garnizonidagi harbiy qismlarning birida komandir lavozimida xizmat qilib kelayotgan polkovnik Dilshod Sadulloyevich Choriyev tayinlandi.