“China Cup—2019”. O‘zbekiston terma jamoasi Urugvayga yirik hisobda yutqazib qo‘ydi (video)

22-mart, juma kuni Xitoyning Nanning shahrida bo‘lib o‘tayotgan futbol bo‘yicha “China Cup—2019” xalqaro musobaqasining ikkinchi yarim final bahsi bo‘lib o‘tdi.

Unda Ektor Kuper qo‘l ostidagi O‘zbekiston terma jamoasi Oskar Tabares boshqaruvidagi Urugvay termasiga qarshi maydonga tushdi.

Bellashuvning 5-daqiqasidayoq Gaston Pereyra hisobni ochgan bo‘lsa, 25-daqiqaga kelib Kristian Stuani Sanjar Quvvatov qo‘riqlayotgan darvozaga Leo Messi uslubida to‘pni joylab qo‘ydi (2:0). 82-daqiqada esa Kristian Stuani yana bir bor darvozani ishg‘ol qildi va dublga erishdi (3:0).

Shu tariqa O‘zbekiston terma jamoasi Urugvayga yirik 0:3 hisobida mag‘lub bo‘ldi. Endi Kuper shogirdlari 25-mart kuni Xitoy termasi bilan musobaqaning 3-o‘rni uchun kurash olib boradi.

China Cup—2019

1/2 final bahsi

22-mart, juma

Gollar: 1:0 — 5 Pereyra, 2:0 — 25 Stuani, 3:0 — 82 Stuani

Urugvay: Muslera, Kaseres, Godin (Koates, 64), Himenes, Laksalt (Gonsales, 61), Nandez (Rodriges, 77), Vesino, Bentankur, Lodeyro (Sarachchi, 61), Stuani, Pereyra

O‘zbekiston: Quvvatov, Sayfiyev, Ismoilov, Krimes, Hoshimov, Ahmedov, Shukurov, Siddiqov (Aliboyev, 72), Masharipov, Hamdamov (Mirzayev, 64), Shomurodov (Bikmayev, 64)

Ogohlantirishlar: Hoshimov (59), Sayfiyev (67), Masharipov (79), Himenes (85)

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!