Tramp 2024-yilgacha amerikaliklarni oyga yuborishni talab qildi

Kelgusi besh yil ichida astronavtlar oyga qaytishi kerak. Bu vazifa Qo‘shma Shtatlar prezidenti tomonidan qo‘yilgan, deya xabar beradi “Korrespondent”.

AQSh prezidenti Donald Tramp 2024-yilga qadar amerikaliklarni Oyga jo‘natish uchun barcha zaruriy choralar ko‘rishni talab qilgan.

AQSh vitse-prezidenti Mayk Pens o‘zining Twitter’dagi sahifasida ushbu vazifa NASA rahbariyati oldiga qo‘yilganligini ma’lum qilgan.

“Biz 1960-yillardagi kabi kosmik poygada ishtirok etamiz”, — deydi Pens.

Avvalroq, Amerika Qo‘shma Shtatlari 2028-yilda oyga navbatdagi missiyasini amalga oshirishni rejalashtirayotgani xabar qilingan edi.

OAVda xabar berilishicha, AQSh prezidenti Kongressdan 2020-yilgi budjetda NASA tadqiqotini o‘tkazishga sarflanadigan xarajatlarni 500 million dollar miqdorida oshirishni so‘ragan.