Alisher Navoiy nomidagi Milliy kutubxonaga yangi rahbar tayinlandi

Alisher Navoiy nomidagi O‘zbekiston milliy kutubxonasiga Umida Teshaboyeva direktor etib tayinlandi. Bu haqda O‘zA xabar berdi.

Umida Teshaboyeva bungacha ushbu kutubxona direktorining axborot-kutubxona xizmati ko‘rsatish bo‘yicha o‘rinbosari bo‘lib ishlayotgan edi.

Kutubxonaning avvalgi rahbari Alisher Abduazizov esa o‘z arizasiga binoan ishdan ketgan. Ma’lumki, Alisher Abdushukurovich O‘zbekiston Respublikasi Vazirlar Mahkamasining 2017-yil 27-iyundagi qaroriga muvofiq Alisher Navoiy nomidagi O‘zbekiston Milliy kutubxonasi direktori etib tayinlangan edi.