Messi Iker Kasilyas rekordini takrorladi

30-mart, shanba kuni Ispaniya chempionatining 29-turida “Barselona” “Espanyol”ni 2:0 hisobida mag‘lubiyatga uchratdi.

Mazkur uchrashuvda hujumchi Lionel Messi dublga erishdi va bu futbolchining La Ligadagi 334-g‘alabasi bo‘ldi.

Argentinalik bu borada “Real” sobiq darvozaboni Iker Kasilyasga yetib oldi va uning rekordini takrorladi.

Eslatib o‘tamiz, Leo Messi joriy mavsum Ispaniya chempionatida 27 ta uchrashuvda maydonga tushib, 31 ta gol urdi va 14 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!