1-apreldan Rossiya va Ukraina do‘stligi to‘g‘risidagi shartnoma bekor qilinadi

Rossiya va Ukraina o‘rtasida imzolangan do‘stlik, hamkorlik va sheriklik to‘g‘risidagi shartnoma 1-apreldan bekor qilinadi, deb xabar berdi “Zakon.kz”.

Rossiya va Ukraina o‘rtasidagi do‘stlik, hamkorlik va sheriklik to‘g‘risidagi shartnoma yoki “Katta shartnoma” Kiyev shahrida 1997-yilning 31-may kuni Boris Yelsin va Leonid Kuchma tomonidan imzolangan edi.

Hujjat 1999-yilning 1-aprelida kuchga kirgan.

2018-yilning 10-dekabr kuni Ukraina prezidenti Pyotr Poroshenko Rossiya bilan do‘stlik shartnomasini bekor qilish to‘g‘risida qonun imzolagan edi.

Rossiya tashqi ishlar vazirligida Kiyevning ushbu qarori kata xato sifatida e’tirof etildi.