2018-yilda dunyoda eng ko‘p daromad olgan kompaniya nomi ma’lum bo‘ldi

Saudiya Arabistonining Saudi Aramco kompaniyasi 111,1 milliard dollar daromad bilan 2018-yilda dunyodagi eng ko‘p daromad olgan kompaniya bo‘ldi, deya xabar beradi “RBK”.

Mutaxassislarning hisob-kitoblariga ko‘ra, Saudi Aramco’ning 2018-yildagi sof foydasi Apple, Google va ExxonMobil’ning birgalikda (59,5 milliard dollar, 30,7 milliard dollar va 20,8 milliard dollar) olgan daromadidan ko‘p.

Moody’s va Fitch Saudi Aramko’ning dollar obligatsiyalari emissiyasiga juda yuqori baho bergan: har ikkala agentlik ham uni o‘zining investitsion shkalasida (A1 va A+) beshinchi o‘ringa joylashtirgan.