O‘zbekistondan giyohvand modda olib chiqib ketayotgan shaxs Samarqand aeroportida qo‘lga tushdi

Samarqand viloyatidagi bojxona xodimlari chegarada O‘zbekistondan giyohvand modda olib chiqib ketayotgan shaxsni qo‘lga oldi. Bu haqda “Novosti Uzbekistana” xabar berdi.

Moskvaga uchishdan oldin fuqaro A.D. bojxona tekshiruvidan o‘tayotganda “yashil” yo‘lakda o‘zini nomaqbul tutgan. Bu esa “Samarqand” xalqaro aeroporti bojxona xodimlarida shubha uyg‘otgan.

Shaxsiy nazorat vaqtida uning o‘ng paypog‘iga 0,32 gramm giyohvand modda solingan bitta polietilen paket yashirilgani aniqlangan.

Keyinroq ekspertiza tahlili ushbu modda nasha ekanini tasdiqlagan.

Hozirda jinoyat yuzasidan tekshiruv ishlari olib borilmoqda.