Farg‘onaning Pakana qishlog‘idan qariyb 4 kg marixuanani olib o‘tishga uringan shaxs qo‘lga olindi

Farg‘ona viloyati Pakana qishlog‘ida joylashgan blokpostda o‘tkazilgan tezkor tadbir vaqtida shubha uyg‘otgan bir fuqaro to‘xtatilgan va uning yonidan 3 kilogramm 825 kilogramm giyohvand modda borligi aniqlangan.

Bu haqda O‘zbekiston Ichki ishlar vazirligi matbuot xizmati xabar bermoqda.

Xolislar ishtirokida daliliy ashyo sifatida olingan modda ekpertiza natijasida marixuana ekanligi aniqlangan. IIV axborotiga ko‘ra, giyohvand moddani olib o‘tishga uringan shaxs 1972-yilda tug‘ilgan va ayni vaqtda Farg‘ona shahrida yashaydi.

“Mazkur holat yuzasidan Jinoyat Kodeksining tegishli moddalari bo‘yicha jinoyat ishi qo‘zg‘atilib, ayni paytda tergov harakatlari olib borilmoqda”, — deyiladi vazirlik axborotida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!