Abxaziyada narkotiklar tarqatganlik uchun o‘lim jazosi joriy etildi

Abxaziya parlamenti o‘ta katta miqdorda narkotiklar tarqatganlik uchun o‘lim yoki umrbod ozodlikdan mahrum etish jazosini ko‘zda tutuvchi qonun loyihasini qabul qildi. Bu haqda “TASS” xabar bermoqda.

Hujjatda mazkur modda bo‘yicha hukm qilinganlar avf etilishi istisno qilingan. Qonun 2020-yil 1-yanvardan kuchga kiradi.

Abxaziyada 1993-yildan beri o‘lim jazosiga moratoriy amalda edi.

Hozirda mahalliy IIV tergov izolyatorida umrbod qamoq jazosiga hukm qilingan 3 nafar mahbus saqlanmoqda, oliy jazo berilganlar yo‘q.