Tayvanda bortida 317 nafar yo‘lovchi bo‘lgan samolyot shoshilinch qo‘nishga majbur bo‘ldi

Tayvanda Cathay Dragon aviakompaniyasining yo‘lovchi samolyoti dvigatellardan biridan to‘satdan tutun chiqa boshlaganidan so‘ng shoshilinch qo‘nishga majbur bo‘ldi. Bu haqda “Korrespondent.net” xabar berdi.

Hodisa chog‘ida havo kemasi bortida 317 nafar yo‘lovchi bo‘lgan.

Samolyot Tayvanning Gaosyun shahridan Gonkongga yo‘l olgandi, biroq parvoz qilgan aeroportiga qaytishga majbur bo‘ldi.

Dastlabki ma’lumotlarga ko‘ra, dvigateldagi nosozlikka qushlar bilan to‘qnashuv sabab bo‘lishi mumkin.