O‘zbekistonda jismoniy shaxslarning muammoli kreditlari summasi 65 mlrd so‘mga yetdi

O‘zbekistonda 2019 yil birinchi choragi yakunlari bo‘yicha jismoniy shaxslarga ajratilgan kreditlar hajmi 26,7 trillion so‘mni tashkil etdi. Bu haqda Markaziy bank ma’lum qildi.

Ushbu ko‘rsatkich o‘tgan yilning mos davriga nisbatan 82 foizga va joriy yil boshiga nisbatan 9 foizga o‘sdi.

Jismoniy shaxslarga ajratilgan kreditlar tarkibida muammoli kreditlar 65 milliard so‘mni tashkil etib, joriy yilning o‘tgan davrida 38 milliard so‘mga yoki 1,4 martaga oshdi.

Jismoniy shaxslarga ajratilgan kreditlarda muammoli kreditlar ulushi past darajada bo‘lib, 0,2 foizni tashkil etdi.