Fransiya Rossiya chegarasiga tank va harbiylarni yuboradi

Fransiya 23-aprel kuni Estoniyaga qariyb 300 nafar harbiy, shuningdek to‘rtta tank va piyoda askarlar uchun yigirmata harbiy mashina yuboradi. Bu haqda “Gazeta.ru” xabar berdi.

Fransiyaning Tallindagi elchixonasi matbuot xizmati ning ma’lum qilshicha, fransuz harbiy texnikasi va shaxsiy tarkibi Estoniyaning Tapa shahriga joylashadi. Ushbu shahar esa Estoniya va Rossiya chegaralaridan 140 kilometr uzoqlikda joylashgan.

Qayd qilishicha, fransuz qurolli kuchlari Estoniyaga NATOning Polsha va Boltiqbo‘yi mamlakatlarida harbiy holatni kuchaytirish bo‘yicha missiyasi doirasida jo‘natiladi.

Taxmin qilinishicha, fransuz harbiy xizmatlari Estoniyada joriy yilning avgust oyiga qadar bo‘ladi.