Fransiyada o‘zbek bog‘i ochildi va ibn Sino haykali o‘rnatildi

Fransiyaning Ryuey-Malmezon va Buxoro shaharlari birodarlashganiga 20 yildan oshdi. Bu haqda Buxoro viloyati hokimligi axborot xizmati ma’lum qildi.

Ushbu do‘stlik aloqalari doirasida joriy yil 17 aprel kuni Ryuey-Malmezon shahridagi “Do‘stlik” parkida o‘zbek bog‘i hamda Abu Ali ibn Sino sharafiga yodgorlik haykalining ochilish marosimi bo‘lib o‘tdi.

Anjumanda Buxoroga xos musiqa va raqslar namoyish etildi. Tadbirda 500dan ortiq ishtirokchi qatnashdi.

Viloyat hokimi O‘ktam Barnoyev boshchiligidagi delegatsiya a’zolari Fransiyada energetika, vinochilik, savdo va turizm yo‘nalishida yetakchi kompaniyalar vakillari bilan muzokaralar o‘tkazdi.