O‘zbekistondagi yollanma ishchilarning daromadlari o‘sdi
Yollanma ishchilarning daromadlari 28,9 foizga oshdi va aholi umumiy daromadlaridagi ulushi 32,4 foizini tashkil etdi. Bu haqda Davlat statistika qo‘mitasi ma’lumotlariga tayanib, Spot xabar beradi.
2019-yilning yanvar-mart holatiga ko‘ra, aholi umumiy daromadlari 64,9 trln. so‘mni tashkil qildi, bir kishiga o‘rtacha hisoblaganda esa 1,9 mln. so‘mga yetdi.
Yollanma ishchilar daromadlarining eng yuqori nominal o‘sish sur’ati Jizzax (135,3%), Namangan (133,2%) va Samarqand (132,5%) viloyatlarida, eng pasti esa Qashqadaryo (124,7%) va Navoiy (124,5%) viloyatlarida qayd etildi.
Shuningdek, aholi umumiy daromadlari hajmida kichik tadbirkorlikdan olingan daromadlarning ulushi 54,9 foizni tashkil etdi.
Kichik tadbirkorlikdan olingan daromadlarning hudud aholi umumiy daromadlaridagi ulushi turlicha: eng yuqori ulush Jizzax viloyatida (63,0%) kuzatilgan bo‘lsa, eng kam ulush esa Qoraqalpog‘istonda (45,3%) qayd etildi.
Manba: Daryo.uz