Buxorodagi YTHda yosh ona va uning chaqalog‘i vafot etdi

23-aprel kuni Surxondaryo viloyati Denov tumanida yashovchi 26 yoshli A.A. Nexia mashinasini Buxoro viloyatining Romitan tumani hududidagi avtomagistral yo‘lida haydab ketayotib, o‘zidan oldinda harakatlanib borayotgan Kamaz rusumli yuk mashinasi orqa tomoniga urilib, to‘qnashuv sodir etgan.

IIV matbuot xizmatining ma’lum qilishicha, oqibatda Nexia yo‘lovchisi S.K. ismli ayol jarohat olib voqea joyida vafot etgan.

Nexia’ning qolgan yo‘lovchilari S.K.ning turmush o‘rtog‘i J.R. va 2019-yilda tug‘ilgan I.A. ismli qizi, Surxondaryo viloyati Qumqo‘rg‘on tumanida yashovchi Sh.S. kasalxonaga yotqizilgan. Ko‘rsatilgan tibbiy muolajalarga qaramay chaqaloq vafot etgan.

Holat yuzasidan jinoyat ishi qo‘zg‘atilib, tergov harakatlari olib borilmoqda.