Shri-Lankalik erkak navbatdagi seriyali portlashlardan yuzlab insonlar hayotini saqlab qoldi (video)

Shri-Lankadagi navbatdagi seriyali portlashlar chog‘ida 40 yoshli quruvchi Ramesh Raju ryukzak osgan shubhali shaxs— xudkush-terrorchini cherkovga kiritmadi, deb yozadi “Gazeta.ru”.

Ramesh insonlar hayotini saqlab qoldi, biroq o‘zi halok bo‘ldi.

Rajuning rafiqasining aytishicha, turmush o‘rtog‘i shubhali shaxsni cherkovga kiritishni istamagan. Ayol cherkovga kirganidan so‘ng ko‘p o‘tmay tashqaridan portlash ovozi eshitilgan. Cherkovga 450 ga yaqin kishi yig‘ilgan edi.

Rajuning jasadi esa cherkovga kiraverishdan topilgan.