“Manchester Siti” APL klublari orasida rekord o‘rnatdi

Angliya Premyer ligasi 31-turining qoldirilgan o‘yinida “Manchester Siti” mehmonda “Manchester Yunayted”ni mag‘lub etdi (2:0).

Pep Gvardiola jamoasi joriy mavsum barcha musobaqalarni hisoblaganda raqib darvozasiga 157 ta gol urdi va ingliz klublari orasida rekord o‘rnatdi.

Bundan avvalgi rekord ham “shaharliklar”ga tegishli edi. 2013/14-yilgi mavsumda “Siti” Manuel Pellegrini qo‘l ostida 156 ta gol urishga muvaffaq bo‘lgandi.

Eslatib o‘tamiz, klub 35 ta turdan so‘ng 89 ochko jamg‘arib, Premyer liga jadvalida yetakchilik qilmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!