Afg‘oniston internetining 40 foizini O‘zbekiston yetkazib beradi

Afg‘oniston tashqi internet-trafikning 40 foizini O‘zbekistondan oladi. Bu haqda Afg‘oniston Telekommunikatsiyalar va axborot texnologiyalari vazirligi xodimi Muhammad Zohid Toshkentda davom etayotgan domenlar faoliyatini rivojlantirishga bag‘ishlangan xalqaro anjumanda ma’lum qildi.

2018-yil iyulida “O‘zbektelekom” va Afg‘onistonning Afghan Wireless Communication kompaniyasi o‘rtasida xalqaro Internet tarmog‘iga ulanish xizmatlarini O‘zbekistondan Afg‘onistonga eksport qilish imkonini beruvchi anglashuv memorandumi imzolangani ma’lum bo‘lgan edi.