Ohangaron shossesida skuter Tico va avtobus bilan to‘qnashdi. Skuter haydovchisi halok bo‘ldi

29-aprel soat 19.40 atrofida Ohangaron shossesida skuter, Tico avtomobili va yo‘nalishdagi avtobus ishtirokida YTH sodir bo‘ldi. Bu haqda IIBB matbuot xizmati xabar bermoqda.

Hodisa oqibatida skuterni boshqargan 34 yashar A.A. voqea joyida halok bo‘ldi.

Guvohlarga ko‘ra, skuter svetoforning qizil chirog‘iga to‘xtagan Tico mashinasiga to‘qnashgan, so‘ng boshqaruvni yo‘qotib, avtomobilning o‘ng tomonida harakatlanib ketayotgan avtobusga urilgan.

YTHning dastlabki sababi sifatida skuter haydovchisi tomonidan oraliq masofa saqlanmagani ko‘rilmoqda.