YChL. “Barselona”—“Liverpul” uchrashuvini boshqarib boradigan hakam ma’lum bo‘ldi

UEFA tashkiloti Yevropa Chempionlar Ligasi 1/2 finalidan o‘rin olgan “Barselona” hamda “Liverpul” o‘rtasidagi dastlabki o‘yinni boshqarib boruvchi hakamlarni tayinladi.

Mazkur o‘yinni Byorn Kuypers boshchiligidagi niderlandiyalik hakamlar brigadasi boshqaradigan bo‘ldi. Unga qanotlarda Mario Diks va Ervin Zeynstra yordam beradi. Gretsiyalik Tasos Sidiropulos esa to‘rtinchi hakam vazifasini bajaradi.

Danni Makelli va Pol van Bukel esa videoassistent sifatida ishlaydi.

Eslatib o‘tamiz, “Barselona”—“Liverpul” o‘yini 1-may, chorshanba kuni Toshkent vaqti bilan soat 00:00 da “Kamp Nou” stadionida start oladi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!