Tuladagi supermarketda o‘ldirilgan o‘zbekistonlik ayolning shaxsi aniqlandi

Avval xabar berilganidek, 28-aprel kuni Tula viloyatining Uzlovaya shahridagi “Pyaterochka” supermarketida rossiyalik 34 yoshli Andrey.K. 33 yoshli Umida ismli kassir ayolga hujum qilib, pichoq bilan 20 ga yaqin jarohat yetkazgan. Ayol kasalxonada hayotdan ko‘z yumgan.

Bandlik va mehnat munosabatlari vazirligiga ko‘ra, jabrlangan ayol 1986-yilda tug‘ilgan, asli o‘zbekistonlik, ammo hozirga qadar Rossiya fuqaroligida bo‘lgan Umida Zurayevna Egamurotova ekanligi tasdiqlandi. Jinoyatchi qo‘lga olingan.

Vazirlik marhuma Rossiya Federatsiyasi fuqarosi bo‘lishiga qaramay, tashkiliy masalalarda kerakli amaliy yordamini ko‘rsatishga tayyor ekanligini bildirdi.