Video: Islom Karimovning Makkaga qilgan Umra ziyorati

Karimov fondi O‘zbekiston Birinchi Prezidentining Makkaga qilgan Umra ziyorati videosini taqdim etdi.

Unda Prezident Ka’bani tavof qilib, Baytullohning ichkarisiga shayx Muhammad Sodiq Muhammad Yusuf bilan birgalikda ibodat qilish uchun kirib ketayotgani aks etgan.

Ushbu ziyorat Islom Karimovning Saudiya Arabistoniga 1992-yilning aprel oyida qilgan davlat tashrifi chog‘ida bo‘lib o‘tgan.

Qayd etilishicha, o‘shanda Saudiya Arabistoni podshohi Fahd bin Abdulaziz Islom Karimovga Kisva — Ka’ba yopinchig‘ining bir bo‘lagini hadya qilgan. Unga tilla ip bilan “Oli Imron” surasining 97-oyati yozilgan.

Keyinchalik Islom Karimov ushbu hadyani — ka’bapo‘shni Imom Buxoriy majmuasi muzeyiga taqdim etgan.