Toshkentda Nukus ko‘chasini Farg‘ona yo‘li bilan bog‘lovchi ko‘prik qayta tiklanishi mumkin

Toshkentning Nukus ko‘chasini Farg‘ona yo‘li bilan bog‘lab turuvchi ko‘prik qayta tiklanishi mumkin. Bu haqda “Gazeta.uz” xabar bermoqda.

Avvalroq Istiqbol ko‘chasini Nukus ko‘chasi bilan tutashtiruvchi, bir muddat avval yopiq yashil hududga aylantirilgan yo‘l qayta tiklanayotgani haqida xabar berilgan edi.

Mavzuga doir: Toshkentda Istiqbol ko‘chasini Nukus ko‘chasi bilan tutashtiruvchi yo‘l qayta ochiladi

“Gazeta.uz”ning qayd etishicha, muqaddam bu yerda Nukus ko‘chasini Farg‘ona yo‘li bilan bog‘lab turgan ko‘prik bo‘lgan. Hozirda sobiq ko‘prik o‘rnida ko‘p qavatli uy qad rostlagan.

“Ko‘prikning qayta tiklanishi istisno etilayotgani yo‘q. Tahririyatda mavjud ma’lumotlarga ko‘ra, loyiha muhokama qilinmoqda”, — deyiladi “Gazeta.uz” axborotida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!