» » Buxoroda to‘rt kishi Qrim-Kongo kasalligiga chalingani to‘g‘risidagi xabarlarga aniqlik kiritildi

Buxoroda to‘rt kishi Qrim-Kongo kasalligiga chalingani to‘g‘risidagi xabarlarga aniqlik kiritildi


Respublika Davlat sanitariya epidemiologiya nazorat markazi ijtimoiy tarmoqlarda “Buxoroda to‘rt kishi Qrim-Kongo kasalligiga chalinganligi” to‘g‘risida berilayotgan xabarlarga aniqlik kiritdi. Bu haqda Davlat sanitariya epidemiologiya nazorati respublika markazi “Daryo”ga ma’lum qildi.

Har yili bahor va  yoz mavsumida ko‘plab mamlakatlarda bo‘lgani kabi  Markaziy Osiyo mintaqasi davlatlarida ham Qrim-Kongo gemmoragik isitma kasalligi qayd etilishi kuzatib turiladi. Joriy yilning o‘tgan davri mobaynida Buxoro viloyatining Qorako‘l va Jondor tumanlarida 4 nafar kishi ushbu  kasallikka  chalingani gumon qilinib, yuqumli kasalliklar shifoxonasiga yotqizilgan.

Kasallikning kelib chiqishi sabablari o‘rganilganda, bemorlarning barchasi cho‘l hududlarida chorva mollarini boqish va ularni parvarishi bilan shug‘ullanib kelgan fuqorolar ekanligi ma’lum bo‘lgan. Qrim-Kongo gemorragik isitma kasalligi ularga kana chaqishi, kanani himoyalanmagan qo‘llar bilan chorva mollaridan olib, ezib o‘ldirilishi va qo‘y qirqim vaqtida kana chaqishi orqali yuqqanligi aniqlangan.

Ushbu kasallik  bilan xastalangan bemorlar viloyatdagi yuqumli kasalliklar shifoxonalariga yotqizilib, barcha zaruriy davo muolajalari o‘tkazilgan. Bemorlar qisqa vaqt ichida butunlay  sog‘ayib, yaxshi ahvolda shifoxonadan uyiga javob berilgan.

Kasallik o‘choqlarida sanitariya-epidemiologiya va veterinariya xizmatlari mutaxassislari tomonidan epidemiyaga va epizootiyaga qarshi chora-tadbirlar o‘tkazilgan.  Natijada odamlar o‘rtasida kasallikni tarqalib ketishiga yo‘l qo‘yilmagan. Mamlakatda odamlar o‘rtasida Qrim-Kongo gemorragik isitma kasalligini oldini olish bo‘yicha samarali profilaktik chora-tadbirlar amalga oshirilib, bu  tadbirlar  qat’iy nazoratga olingan.



Manba: Daryo.uz
Опубликовано: admin (10-05-2019, 18:14)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 24) ( 0) ( 22) ( 2)
Юзеры:
- отсутствуют
Роботы:
Последние 20 посетителей... - отсутствуют