Toshkent chorrahalaridagi kameralar qoidabuzarliklarni qayd etishni to‘xtatgani haqidagi mish-mishlar rad etildi

Toshkent shahar IIBB Yo‘l harakati xavfsizligi boshqarmasi poytaxt chorrahalarida qoidabuzarliklarni foto va video orqali aniqlash jarayoni to‘xtatilgani haqidagi mish-mishlarni rad etdi.

“Gazeta.uz”ning YHXBga asoslanib xabar berishicha, kameralar qoidabuzarliklarni qayd etishni to‘xtatgani haqida ijtimoiy tarmoqlar va messenjerlarda tarqalgan xabarlar yolg‘on.

115 ta chorrahaga o‘rnatilgan kameralar, avvalgidek, odatdagi tartibda ishlab turibdi va qoidabuzarliklarni qayd etmoqda.

Yo‘l harakati xavfsizligi boshqarmasi haydovchilarni mish-mishlarga ishonmaslikka va Yo‘l harakakati qoidalariga rioya etishga chaqirdi.

Mavzuga doir: Toshkent chorrahalaridagi kameralar 36 soatda 10 mingdan ziyod qoidabuzarlikni qayd etdi

“Daryo”ning Telegram’dagi rasmiy kanali — @toshqindaryo’ga a’zo bo‘ling!