Tataristonda teplovoz va beshta vagon relsdan chiqib ketdi

Tataristonda yo‘lovchi poyezdining beshta bo‘sh vagoni relsdan chiqib ketdi, deb yozadi “Gazeta.ru” FVVga tayanib.

Ta’kidlanishicha, harakatlanishni boshlagan vaqtida teplovozning bir juft orqa g‘ildiraklari, shuningdek, beshta bo‘sh vagonning g‘ildiraklari ham relsdan chiqib ketgan.

Hodisa oqibatida hech kim jabrlanmagan va halok bo‘lmagan.

Poyezdlar harakati ham to‘xtatilmagan.