Toshkentda harbiy xizmatchilar salomatlik aksiyasida qatnashdi (foto)

Mudofaa vazirligi hamda Mirzo Ulug‘bek tuman hokimligi bilan hamkorlikda 12-may harbiy xizmatchilar va ularning oila a’zolari ishtirokida “Sog‘ tanda — sog‘lom aql” shiori ostida ommaviy yurish tadbiri bo‘lib o‘tdi. Bu haqda “Daryo”ga Mudofaa vazirligi matbuot xizmati xabar berdi.

Ma‘lum qilinishicha, salomatlik aksiyasida mingdan ziyod harbiy xizmatchilar va ularning oila a’zolari qatnashgan.

Yurish aksiyasi ishtirokchilariga Qurolli Kuchlar akademiyasi harbiy orkestri hamkorxlik qildi. “Finish” chizig‘ida ommaviy tadbir ishtirokchilari uchun Qurolli Kuchlar Markaziy ashula va raqs ansambli jamoasi tomonidan konsert dasturi namoyish etildi.