APLda mavsumning eng yaxshi pleymeykeri ma’lum bo‘ldi

“Chelsi” yarim himoyachisi Eden Azar Angliya chempionatining eng yaxshi pleymeykeri nomini o‘ziniki qildi. Bu haqda liganing Twitter’dagi rasmiy sahifasida xabar berildi.

28 yoshli belgiyalik Premyer liganing 2018/19-yilgi mavsumida 15 ta golga assistentlik qildi. Bu joriy yilgi musobaqaning eng yaxshi natijasi hisoblanadi.

Eslatib o‘tamiz, Azar yakuniga yetgan mavsumda musobaqa doirasida 37 ta uchrashuvda maydonga tushib, 16 ta gol urdi va 15 ta golli uzatma berdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!