AQShning Bag‘doddagi elchixonasi yaqinida portlash sodir bo‘ldi

AQShning Bag‘doddagi elchixonasi yaqinidagi hudud raketalar nishoniga aylandi, deb xabar beradi “Korrespondent”.

Al Arabiya telekanalining ma’lum qilishicha, portlash oqibatida hech kim jarohat olmagan. Raketa Bag‘dodning sharqiy qismidagi Al-Gadir tumanidan “yashil zona”ga qarata uchirilgan.

Iroq kuch tuzilmalari hukumat hududini yopib qo‘ydi. Politsiya portlashga aloqador shaxslarni qidirish bilan shug‘ullanmoqda.

Avvalroq, AQSh Davlat departamenti Iroqda eng yuqori xavf darajasini e’lon qilib, amerikaliklarni ushbu mamlakatga safarlarini bekor qilishga chaqirgan edi.