AQSh fuqarolarini Iroqda referendum sababli yuzaga kelishi mumkin bo‘lgan tartibsizliklar haqida ogohlantirdi

AQShning Iroqdagi elchixonasi Iroq Kurdistoni mustaqilligi bo‘yicha referendum o‘tkazilgan taqdirda yuzaga kelishi mumkin bo‘lgan tartibsizliklar haqida ogohlantirdi. Bu haqda “RIA Novosti” xabar bermoqda.

“AQShning Bag‘doddagi elchixonasi Qo‘shma Shtatlar fuqarolarini Kurdistondagi mahalliy hukumat 25-sentabrda referendum o‘tkazgudek bo‘lsa, tartibsizliklar ro‘y berishi mumkinligi haqida ogohlantiradi”, — deyiladi elchixona rasmiy xabarida.

Iroqdagi missiya ehtiyot chorasi sifatida xodimlarining harakatlanishini vaqtincha cheklashi bildirilmoqda. AQSh fuqarolariga esa bahsli hududlarga borishdan tiyilish tavsiya etildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!