Kreml Vladimir Zelenskiyni Ukraina prezidenti lavozimini egallagani bilan tabriklamaydi

Vladimir Putin Ukraina prezidenti lavozimini egallagan Vladimir Zelenskiyga hozircha tabrik yo‘llamaydi. Bu haqda Rossiya prezidentining matbuot kotibi Dmitriy Peskov ma’lum qildi, deya xabar beradi “Interfaks”.

“Putin Zelenskiyni Ukraina janubi-sharqidagi ichki mojaroni tartibga solish, shuningdek, Rossiya — Ukraina munosabatlarini yo‘lga qo‘yish borasidagi birinchi muvaffaqiyatlari bilan tabriklaydi”, — dedi Peskov.

Peskovga ko‘ra, Rossiya va Ukraina o‘rtasida oliy darajadagi aloqalar masalasi hozircha kun tartibida yo‘q.