Instagram foydalanuvchilarining shaxsiy ma’lumotlari internetga sizib chiqib ketdi

Instagram ijtimoiy tarmog‘i foydalanuvchilarining qariyb 50 million profilidagi shaxsiy ma’lumotlar internet tarmog‘iga tarqalib ketdi. Bu haqda “Gazeta.ru” xabar beradi.

Internetga oshkor qilingan akkauntlar ichida mashhur shaxslar va brendlarga tegishli ma’lumotlar ham bor.

Oshkor bo‘lgan shaxsiy ma’lumotlarda telefon raqamlari, elektron pochta manzillari, shuningdek, profildagi reklamaning narxini ham ko‘rish mumkin.