TIV Bokuda O‘zbekiston fuqarosining vafot etgani yuzasidan axborot berdi

16-may kuni Toshkentdan Ozarbayjon poytaxti Boku shahriga borgan O‘zbekiston fuqarosi Bahodir Murodov 19-may kuni vafot etgan. Bu haqda Tashqi ishlar vazirligi axborot xizmati xabar berdi.

Mahalliy hukumat organlari tomonidan o‘tkazilgan sud-tibbiy ekspertiza natijalariga ko‘ra ma’lum bo‘ldiki, 1974-yilda tug‘ilgan Bahodir Murodov o‘tkir yurak yetishmovchiligi oqibatida vafot etgan.

“Konsullik-huquqiy departamenti Bahodir Murodovning qarindoshlarini quyidagi telefon raqamlari orqali murojaat qilishlarini so‘raydi: Toshkent shahri: +99899-860-89-98, O‘zbekistonning Bokudagi elchixonasi: +99450-298-33-11, +99412-497-25-52”, — deyiladi xabarda.