Yil boshidan buyon O‘zbekistonda aholi yalpi daromadi 23 foizga oshdi

2019-yilning birinchi choragida aholi daromadi oshdi, bu haqda Oliy Majlisda bo‘lib o‘tgan Xalq Demokratik partiyasi majlisidagi ma’lumotga tayanib Sputnik xabar qiladi.

“Moliya vazirligi hisobotiga ko‘ra, 2019-yilning 1-choragida aholi daromadi miqdori 64,9 trillion so‘mni tashkil qilgan. Bu o‘tgan yilning ushbu davriga nisbatan 23,1 foizga ko‘p. Lekin iste’mol narxlarining o‘sishini ham hisobga olganda, aholining real daromadlari o‘sishi miqdori 8,6 foizni tashkil qilganini ko‘rish mumkin”, — deyilgan xabarda.

Oliy Majlisda kengashida, shuningdek, davlat budjetini bajarish, investitsiyalar jalb qilish va aholi farovonlik darajasini oshirish masalalari muhokama qilindi. Undan tashqari so‘nggi yillarda aholini ijtimoiy qo‘llab-quvvatlash miqdori oshgani ham qayd etildi.