Vladimir Zelenskiyning partiyasi o‘z mafkurasi sifatida libertarianlikni tanladi

Vladimir Zelenskiyning partiyasi o‘z mafkurasi sifatida libertarianlikni tanladi. “Exo Moskvi”ning xabar berishicha, bu haqda Ukraina prezidentining maslahatchisi Ruslan Stefanchuk ma’lum qilgan.

Uning so‘zlariga ko‘ra, “Xalq xizmatkori” partiyasining maqsadi — davlatni xizmat ko‘rsatuvchiga aylantirish uchun amaldagi tizimni o‘zgartirish.

Ayni vaqtda Oliy Rada prezident Zelenskiy tomondan taklif qilingan saylov qonunchiligiga o‘zgartirish kiritish to‘g‘risidagi qonun loyihasini ko‘rib chiqishdan bosh tortdi.

Facebook’dagi sahifasida ushbu holatga izoh berarkan, Zelenskiy eski siyosatchilar eski tizimni tanlagani, “chunki ular pul va grechka evaziga yana Oliy Radaga suqilib kirishni ko‘zlayotganliklari”ni yozgan.