Toshkent shahar hokimligi dam olish kunlari o‘tkaziladigan tadbirlar ro‘yxatini e’lon qildi

Toshkent shahar hokimligi oldinda uzoq kutilgan dam olish kunlariga bir qancha tadbirlar tayyorlab qo‘ydi. Istalgan kishi ro‘yxatdagi madaniy tadbirlardan birini tanlab, xordiq chiqarishi mumkin.

25-may, 19:00—20:30 – “Toshkent seni sevadi” loyihasi doirasida Sayilgoh ko‘chasida karnay-surnay navolari, “Portal shou” va “Chinor” estrada vokal guruhlari chiqishlari hamda “Kavkaz” lezginka guruhining raqslari bo‘lib o‘tadi.

25-may, 19:00 – Zamonaviy san’at markazi maydonida Garage Screen Film Festival kinofestivalining so‘nggi kuni bo‘lib o‘tadi. Ro‘yxatdan o‘tish uchun havola: https://bit.ly/30AY2up

25-may, 16:00—21:00 – “Mosigra” do‘konida kattalar va bolalar uchun bepul o‘yin maydoni ochiladi. Murojaat uchun tel: +998 90 788 43 60.

25-may – “Ashxobod” madaniyat va istirohat bog‘ida sovrinli tanlov va konsert dasturi bo‘lib o‘tadi. Kirish bepul. Sahnada Ravshan Sobirov, “Setora” guruhi, Dilso‘z, Umidaxon, Oybek va Nigora hamda “Afruz” guruhlari kuylaydi.

25—26-may, 15:00—17:00 – “Ekopark”da “Archeri tag” musobaqasi o‘tkaziladi. Kamondan o‘q otish sporti bo‘yicha musobaqa qumli maydonda bo‘lib o‘tadi. Kirish bepul. Murojaat uchun tel: +998 99 859 00 21.

25—26-may – Chimyonning Oqsoy darasida “Chimyon o‘rmonini qayta tiklash” dasturi doirasida ixtiyoriy ommaviy hashar bo‘lib o‘tadi. Hashar davomida na’mataklar ekiladi va madaniy xordiq uyushtiriladi. Ro‘yxatdan o‘tish quyidagi havolada: https://bit.ly/2VJgOw3

25—26-may, 11:00—17:00 – Politexnika muzeyida “Matematikani his qiling” interaktiv ko‘rgazma va zehnni sinovchi o‘yinlar tashkil etiladi. Kirish bepul. Murojaat uchun tel: +998 71 232 34 30, +998 78 140 14 70.

25—26-may, 17:30 – “Ilhom” teatrida rassomlar Farrux Ahmadaliyev va Tohir Karimovlarning ko‘rgazmalari bo‘lib o‘tadi. Kirish bepul. Murojaat uchun tel: +9989 78 150 39 50, +998 71 244 04 03.

25—26-may, 10:00—17:00 – O‘zbekiston Badiiy Akademiyasining Markaziy ko‘rgazmalar zalida To‘ra Shomirzayevning shaxsiy ko‘rgazmasi tashkil etiladi. Kirish bepul. Murojaat uchun tel: +998 71 256 51 46, +998 71 252 26 50.